ಬದುಕು ನೀರ ಮೇಲಣ ಗುಳ್ಳೆಯಂತೆ...

ಸುಂದರ ಸ್ವಪ್ನದಲಿ ವಿಹರಿಸಿದವನಿಗೆ 

ಬದುಕು ನೀರ ಮೇಲಣ ಗುಳ್ಳೆಯಂತೆ

ಎಂದು ಭಾಸವಾಯಿತು.

ಎಷ್ಟೇ ಗೆದ್ದರೂ, ಹಣ- ಹೆಸರುಗಳಿಸಿದರೂ,

ಕ್ಷಣ ಮಾತ್ರದಲಿ ಶೂನ್ಯಕ್ಕಿಳಿಯಬಹುದೆಂಬ

ಗುಟ್ಟೊಂದು ತಿಳಿಯಿತು.

ಸೋತವನು ಗೆಲ್ಲಬಹುದು

ಗೆದ್ದವನು ಸೋಲಬಹುದು

ಸೋತೂ ಗೆಲ್ಲಬಹುದು

ಗೆದ್ದು ಸೋಲಬಹುದು 

ಬದುಕು ಕಾಲಚಕ್ರಕ್ಕೆ ಸಿಕ್ಕಂತೆ

ಬದಲಾಗಬಹುದೆಂದು ಅರಿವಾಯಿತು.

ಬದುಕು ಶಾಶ್ವತವಲ್ಲ

ಅದರ ಕೀಲಿ ಕೈ ನಮ್ಮಲ್ಲಿಲ್ಲ

ಬೇಕೆಂದರೂ, ಬೇಡೆಂದರೂ

ಎಷ್ಟೇ ಕಷ್ಟ-ಕಾರ್ಪಣ್ಯ ಬಂದೊದಗಿದರೂ

ಬದುಕನ್ನು ಸವೆಸಲೇಬೇಕೆಂಬ

ಕಹಿಸತ್ಯವೊಂದು ಗೊತ್ತಾಯಿತು.