ಅಂತರಾಳ

ಅವಳ ನಗು ಮೊಗವ ನೋಡಿ ಖುಷಿಪಟ್ಟವರಿಗಿಂತ ಅಸೂಯೆ ಪಟ್ಟವರೇ ಜಾಸ್ತಿ 

ಅವಳ ನಗು ಮೊಗದ ಹಿಂದೆ ಅಡಗಿರುವ ನೋವು ಯಾರಿಗೂ ಕಾಣಲೇ ಇಲ್ಲಾ

ಅವಳ ಕಣ್ಣೀರು ಕಂಡು ಮರುಗಿದವರಿಗಿಂತ

ಆಡಿಕೊಂಡು ನಕ್ಕವರೇ ಜಾಸ್ತಿ

ಅವಳ ಕೆದರಿದ ಗಾಯಕ್ಕೆ ಮುಲಾಮು ಹಚ್ಚುವರು ಬರಲೇ ಇಲ್ಲಾ 

ಅವಳ ಮುಗ್ಧತೆಯ ಮನಸ್ಸಿಗೆ ನಿಸ್ವಾರ್ಥ ಪ್ರೀತಿ ಕೊಟ್ಟವರಿಗಿಂತ ಮೋಸ ಮಾಡಿದವರೇ ಜಾಸ್ತಿ

ಅವಳ ನಂಬಿಕೆಗೆ ಕೊಳ್ಳಿಯಿಟ್ಟು ತಪ್ಪು ಮಾಡಿದೆವು ಎಂದು ಅವರು ಮರುಗಲೇ ಇಲ್ಲಾ 

ಅವಳು ಕಷ್ಟವೆಂದು ಬಂದವರಿಗೆ ಸಹಾಯ ಹಸ್ತ ನೀಡಿದಾಗ ಹೊಗಳಿದವರೇ ಜಾಸ್ತಿ 

ಅವಳ ಅಸಾಯಕ ಸ್ಥಿತಿಯಲ್ಲಿ ಸಹಕರಿಸುವ ಸಂಯಮ ಯಾರಿಗೂ ಹುಟ್ಟಲೇ ಇಲ್ಲಾ

ಅವಳು ಎಲ್ಲವನ್ನು ಸಹಿಸುವ ಸಹನಾಮಯಿ

ತ್ಯಾಗ ಗುಣದವಳು ಆದರೂ

ಅವಳ ಅಂತರಾಳದ ವೇದನೆಯನ್ನು ಅರಿಯದ ಜಾಣ ಕುರುಡರೊಂದಿಗೆ ತಬ್ಬಲಿಯಾಗಿ ಬಾಳುತಿಹಳು