नू बता दे ट्रांसफर देवता..

ठा ठा कै मेरे पैर टूट लिए, और कितनी एड़ी ठाउँ!

नू बता दे ट्रांसफर देवता, तनै किस तरिया मनाऊँ।

गर्मियां में आण की कह था, बदली का ठंडा पानी प्याण की कह था,

'नए स्कूल में भेज के हमने म्हारी गेल चमासे म्ह नहाण की कह था

लाग्गै स तेरा जी न्यूं कर रा सै,

ठंड म्ह गाजर पाक भी हाड़े ए खाऊँ

नू बता दे ट्रांसफर देवता....

काले कोट आला के हमने, बंगले महल चिना दिए।

तेरे चिलतरां नै सारे मास्टर हाईकोर्ट के वकील बना दिए।

जै मन्नै जज आली कुर्सी मिल ज्या, तनै फाँसी की सजा सुनाऊँ,

नू बता दे ट्रांसफर देवता....

कसूर तेरा भी सारा कोन्या, कुछ अपने भी टाँग अड़ावैं हैं। थोड़ी दूर पढाण जाना ना चाहते, घर में स्कूल खोलना चाहवैं सैं

निज स्वार्थ में घिरे पड़े सैं, क्यूकर इन नै समझाऊँ,

नू बता दे ट्रांसफर देवता...

सारे केसां के मार कै गोली, सीधा HRMS पै पेश हो ज्या।

तेरे दर्शन पाकै नै फेर, म्हारा दिन विशेष होज्या

 खीर- हल्वे की थाली लेकें, मैं *मनीष भारद्वाज* नै जिमाऊँ,

नू बता दे ट्रांसकर देवता...।

©️®️मनीष भारद्वाज