जड़वा में रतिया

भोजपुरी गीत- जड़वा मे रतिया

कटले कटात नईखे जड़वा मे रतिया।

गरिबिया मे जड़वा के अइली बिपत्तिया

सईया सांगवा रहते त रजईया लीवते

सांगवा लइकन अपने कोरवा सुतवते

साले अहमे अपने सइया के सुरतिया

कटले कटात नईखे जड़वा मे रतिया ।

सर सर पवनवा बदनवा कपावेला

जड़वा मे रतिया हमके नींदियों ना आवेला

केकरा कही हम आपन दिलवा के बतिया

कटले कटात नईखे जड़वा मे रतिया ।

टुटल मड़ईया हमरो चरपइयो बाड़ी टुटल

केवन सौतिनिया सांगवा सइया बाड़े रुझल

आवत नईखे सईया घरवा ससुर के नतिया

कटले कटात नईखे जड़वा मे रतिया।

जल्दी घरवा आवता सइया घरवा छववता

टुटल खटीयवा सईया हाली बीनी बनववता 

काहे भूली गईला भइला तुहु बड़ा घटिया

कटले कटात नईखे जड़वा मे रतिया।