યાદ

અચાનક એક રાતે આવ્યું સુંદર સ્વપ્નું !

જે ખેંચી ગયું મને મારા એ જૂના મેદાનમાં.....

મારા ટબુડિયા મિત્રોની મસ્તીમાં......

અલબત્ સાવ એ મને મારા બાળપણમાં લઈ ગયું !

નિશાળમાંથી આવી સીધ્ધા અમે દોડતાં

ઘરની પાછળવાળા મેદાનમાં !

ક્રિકેટ રમવા ....

કોઈ સચિન તેંડુલકર કે કોઈ વિરાટ કોહલી બની રોફમાં દડો ઉછાળતાં-

ક્યારેક દડો સરકીને ગટરમાં ચાલ્યો જતો , છાપરા પર ભરાઈ રહેતો તો ક્યારેક છગ્ગાની ધૂનમાં ખોવાઈ જતો...

પણ યાદ છે સૌ રૂપિયો કાઢી કાઢી ને નવો દડો લાવતા...

ક્યારેક બેટ ન મળે તો ધોકો લઈને પણ રમતા એજ રમત ક્રિકેટની..

આજે દડો સાવ ખોવાઈ ગ્યો..મિત્રોની જેમ , છતાં સ્વપ્ન અકબંધ છે આંખોમાં બાળપણની યાદોનું....!