વીતેલી પળો યાદગાર બની ગઈ

વીતેલી પળો યાદગાર બની ગઈ,

કોણ જાણે એ કેટલા પાઠ ભણાવી ગઈ,

સમયનું મૂલ્ય એ શીખવાડી ગઈ,

પળ પળ છે કિંમતી એ જ્ઞાન આપી ગઈ,

નિષ્ફળતા સફળતા સિક્કાની બે બાજુ છે,

એ અમૂલ્ય શિખામણ એ આપી ગઈ,

સદગુણોથી જીવનને મહેકાવી ગઈ,

આનંદથી હૈયું એ છલકાવી ગઈ,

ઘણાંયે બોધપાઠો એ શીખવી ગઈ,

જીવન જીવવાની રીત બતાવી ગઈ,

દુઃખમાં એ તક દેખાડી ગઈ,

સુખનો જશ્ન મનાવી ગઈ,

વીતેલી પળો યાદગાર બની ગઈ,

જાણે મનમાં આશા પ્રગટાવી ગઈ.