વીજળી
વીજળી
1 min
366
વીજળી ઝીણી ઝબૂકે આભમાં,
વીજળી તેજે પ્રકાશે આભમાં.
મેઘરાજા ગર્જના કરતાં ઘણી,
વીજળી દામન ઉજાળે આભમાં.
વર્ષતો વરસાદ, ધરતી ભેટવાં,
વીજળી નટખટ રમાડે આભમાં.
ક્યાંક ઝીણો ક્યાંક મૂશળધાર લઇ,
વીજળી નર્તન, ધરાવે આભમાં.
તીક્ષ્ણ ધારે, એ ખડગ લઇ નીકળે,
વીજળી ભયને પમાડે આભમાં.
જામતો અંધાર, ચોગમ જ્યાં ગગન,
વીજળી નયનો નચાવે આભમાં.
પ્યાસ જ્યાં ચાતક ભરે છે ચાંચમાં,
વીજળી રસ્તો, બતાવે આભમાં.
જ્યાં ચમકતી વીજ કોલાહલ કરે,
વીજળી હાકલ, કરાવે આભમાં.
તેજનો તોખાર, લાગે છે ઘણી,
વીજળી કારણ,બતાવે આભમાં.