વ્હાલી જિંદગી

વ્હાલી જિંદગી,

કરું શું હું તને ફરિયાદો ?

આપી છે તે તો સુંદર યાદો !

સાચી સમજણ થકી સમજાવ્યો

તે મર્મ આ જીવતરનો,

તારી શીખ થકી થયો પૂર્ણ હેતુ

 મારા જીવન ઘડતરનો !

સુંદર સંબંધોનો ઉષ્માભર્યો સદા

મળ્યો છે મને સાથ,

સુખ-દુઃખના દરેક પળમાં મળ્યો મને 

મારા સ્વજનોનો હાથ !

માન્યું કે ડગલે ને પગલે બદલાય છે 

જિંદગી તારા રંગ,

તો પણ જીવી લઈશું તને ઈશ્વરની

શ્રદ્ધાને સંગ !

શીખવ્યા છે તે સંસ્કાર ને સંયમ,

રાખીશ એને હું સ્મરણમાં કાયમ !

કેળવું એટલી હિંમત કે કદાપિ હાર

માની ઉતરું નહીં હું ઊણી,

આ સુંદર જિંદગી બદલ હર ક્ષણ

 રહું હું પ્રભુની ઋણી..!