વેલેન્ટાઇન્સ ડે

સૈ,એમ ફૂલ દીધા લીધાનું મુજને યાદ નથી ,

પણ હા મહેંક પાસ એવી કે જેની મરજાદ નથી .

કોણ જાણે કિયા તે ભવમાં પ્રીત પાંગરી હશે,

ફૂલ નહીં ફૂલની ક્યારી સાહ્યબાએ ધરી હશે,

રોજ ખીલતા રહે છે ફૂલ જેની તાદાદ નથી

સૈ,એમ ફૂલ દીધા લીધાનું મુજને યાદ નથી ,

તરબતર શ્વાસ શ્વાસ, ભીની ભીની આ મહેંક,

રોજ જગાવે મુજ દિલમાં એ પ્રેમની અહાલેક,

આ ઓષભીના ગુલાબ પણ એટલા આહલાદ નથી.

સૈ,એમ ફૂલ દીધા લીધાનું મુજને યાદ નથી ,

સાખ પૂરવા આ સૂરજ રોજ ઊગે ને આથમે,

ચાંદલિયો - તારલિયા રાતે આભમાં ટમટમે,

દિશાઓ પણ ઊભી સાખમાં એને ફરિયાદ નથી ,

સૈ,એમ ફૂલ દીધા લીધાનું મુજને યાદ નથી!