વાયરો
વાયરો
ધીમે ધીમે લહરાતો વાયરો ને વાયરા સંગ હિલોળે ચડ્યું અંગ અંગ
વાયરા સંગ લહેરાતી આ મારી ચુંદડી ઊડતી વાલમની ઝુલ્ફો સંગ સંગ,
વાલમની આંખોમાં દેખાયો એ મસ્તીનો દરિયોને આંખોએ કરી જંગ જંગ
આભલાં જડેલ મારા કબ્જામાં જોઉ એની છાયા ને મને ચડયો વાલમનો રંગ રંગ,
મનમાં ઉમટયા મારે મેળાના રંગને હરખની હેલી એ હું તો થાતી દંગ દંગ,
માનવમહેરામણ ઉભરાયો તોયે એકલી નિહાળતી વાલમના ઠંગ ઠંગ,
વાયરો વાયને સાથે લઈ જાય આ મનના સોણલાને નજરું થાય કંઈ તંગ તંગ,
સખીઓનો સંગાથે મને ઘડીએ ના વિસારે મારે નયનના તીર એવો એ નંગ નંગ,
વરણાગી એ છેડે એની તીરછી નજર ને કોણ પાડે તેની મસ્તીમાં ભંગ ભંગ,
હૈયે ગુંજે એના નામનો ધબકારને જીવન કર્યું તેને અર્પણને જીવીશું સંગ સંગ.