ઉપવન...

હતી નટખટ અને નાદાન એવી બંદગી મારી,

ફૂલોમાં સાચવીતી ભૂલથી મેં જિંદગી મારી...

ભમર થઇ ગુંજતા ને એક એક કળી અમે ચુંમતા,

કહે સૌ પ્રિત ને આવી જ છે દીવાનગી મારી...

વિશાળ ગગન અપાર ધરા ને ત્રીજું આ હ્રદય મારું,

લે દિલ ફાડીને વરસાવ તું પરવાનગી મારી...

સબંધો ખોટ જેવા પણ અમે ભરચક બનાવ્યા છે,

નિભાવી આમ ચાલ્યાં એકલાં એ સાદગી મારી...

જગત આખું જશે ખીલીને ફેલાશે ખુશ્બુ ચોગમ, 

મહેકશે આજ ઉપવન જોઇલે એ તાજગી મારી.