ઉપકારની પગથી

શૃંખલા એક સર્જાણી એવી, જેવી નહિ કે તેવી,

માત-પિતા, ગુરુ, મિત્ર, શત્રુ, પગથી એ તો એવી !

માંડીને કરું વાત આ જન્મોજન્મ તણી લેણાદેવી,

શિખરો સિદ્ધિનાં પાર કરાવે, પગથી એ તો એવી !

માન્યે લાખ ઉપકાર જડે ન મોલ, કડી આ તે કેવી,

અમુલખ ઋણાનુબંધે ચણી, પગથી એ તો એવી ! 

વારંવાર થાઉં કૃતકૃતજ્ઞ, મસ્તકે ચરણ રજ લેવી,

ઉઠાવે ઊંચે એવું સૌભાગ્ય, પગથી એ તો એવી !

બલિહારી ઇશને *દીપાવલી* ભાગ્યની વાત કેવી,

ઉપકારોની શૃંખલાને નિત વંદુ પગથી એ તો એવી !