તારી પાંપણોને કર હુકમ..!

તારી પાંપણો ને કર હુકમ 

મારા દિલના પટ પર લખે કવિતા !

બળતી તરસે સુક્કા બરછટ હોઠ ને ,

રસીલા રાહત ઘોળી ચૂમે કવિતા !

ચીંદરડી શાં જીર્ણ-ત્યક્ત હૈયાને,

છાતી શાં ચાંપી સબલોક ઘૂમે કવિતા !

હિમશિખર 'ને મરુસ્થલ તે બેઉ - 

સમાન, સુનકાર ખાલીપો પુરે કવિતા!

હર એક મારા શ્વાસોશ્વાસમાં,

ઘૂંટી લઉં તને, 'ને એમ જ બને કવિતા!

કેમેય કરી સમજી લે મોઘમ,

મારા સમર્પણની કલમ ઝંખે કવિતા!

તારી પાંપણો ને કર હુકમ 

મારા દિલના પટ પર લખે કવિતા !