સરદારનું ગીત-પ૯.
સરદારનું ગીત-પ૯.
હરિપુરા-કામગીરી (ઈ.સ. ૧૯૩૮)
આ કોંગ્રેસે થયા ખૂબ, મહત્ત્વના ઠરાવ રે;
દેશી રાજ્યો લઈ આવ્યાં, મદદનો સુઝાવ રે.
કચેરી હદમાં એની, નખાય ન નખાય રે;
મદદ કરવી કે નૈ, એવો વિચાર થાય રે.
નક્કી ઘણું વિચારીને, એક વાત કરાય રે;
સમય પાકશે ત્યારે, એને મદદ થાય રે.
કાર્યકર્તા કરે ત્યાંની, પ્રજાને પ્રાણવાન રે;
ફરજ છે પહેલી એ, ગણાશે એ મહાન રે.
તોયે કોંગ્રેસની માગે, દેશી રાજ્યો સહાય રે;
આજીજી સાંભળી એની, ઠરાવ આ કરાય રે.
સંસ્થાઓ પર આદેશ, કોંગ્રેસનો રખાય રે;
કોંગ્રેસ સૂચના આપે, એવાં જ કામ થાય રે.
કોંગ્રેસની દશા સ્પષ્ટ, કરતાં સરદાર રે;
પ્રજાને લાવવાની છે, ગુલામીથી બહાર રે.
બીજો પ્રશ્ન કિસાનોનો, સામે આવી ગયેલ રે;
કોંગ્રેસનાં વિરોધી થૈ, મંડળો ત્યાં બનેલ રે.
ઠરાવ નીતિનો આવી, કોંગ્રેસમાં થયેલ રે;
વિરોધી નીતિ તેઓને, ન કરવા કહેલ રે.
કેદીઓ તરફી વાતે, ગરમી પકડેલ રે;
ન થતાં વચનો પૂરાં, રાજીનામાં થયેલ રે.
લાવેલ વિગતો સાથે, ઠરાવ સરદાર રે;
કહ્યું વિના સુધારાએ, થવા દેવા પસાર રે.
ગવર્નર ગયા માની, કેદી મુકત કરાય રે;
મળે સફળતા એવી, મોટી આશા રખાય રે.
થાય લવિંગનો ત્યાગ, એવો ઠરાવ થાય રે;
ને ઝાંઝીબારમાં તો જ, ન્યાય લઈ શકાય રે.
થૈ જતાં શરતો પૂરી, લડત બંધ થાય રે;
સરદારે કહી દેતાં, ત્યાગ દૂર કરાય રે.
**
પૂરી થયેલ કોંગ્રેસ, માણસો હાલતા થયા;
ને સરદાર તેઓનો, આભાર માનતા ગયા.
(ક્રમશ)