' સપનાની છાની વાત '

વહેતા ઝરણાંની ધારાએ વહેતી'તી મધરાત,

અધરાતે મધરાતે ઝબકી એક અનોખી ભાત,

કેવી ખીલી છે આ રાત ....!

સપનાની છાની વાત ....!

આખે આખા આભલિયામાં દીવડા ઝગમગ થાતાં,

એ દિવડાનાં તેજપુંજમાં રૂપ નવાં ઘુમરાતાં,

મીઠાં કિરણોની રેલાતી મળતી'તી સોગાત .....!

કેવી ખીલી છે આ રાત ....!

સપનાની છાની વાત ....!

રૂ નો ઢગલો સમજી હું તો વાદળમાં વીંટાણી,

મેઘધનુની સાડી ઓઢી રંગોમાં રેલાણી

સોળ કળાએ ઉઘડી જાણે મહેકેલી આ જાત .....!

કેવી ખીલી છે આ રાત ....!

સપનાની છાની વાત ....!