સફળતાને આવવું પડે

ઘડવું જો ઉચ્ચ પ્રારબ્ધ, પુરુષાર્થ કરવો પડે,

ઈમારત ચણતા પહેલા પાયો પાક્કો કરવો પડે,

વર્તમાનરૂપી લોહને પરિશ્રમનાં પારસમણિથી,

ઉજ્જવળ ભાવી કાજે મહેનતથી ઘસવો પડે,

હાથોની લકીર પણ ઝળકી ઊઠશે વીજ સમ,

મન ઉત્સાહીને મેઘધનુષી સાતે રંગે રંગવું પડે,

સુખ-દુઃખ, તડકો-છાંયો, સંઘર્ષ અને સાહસ,

પરિસ્થિતિ છોને હો કોઈ પાર તો ઉતરવું પડે,

હોય લક્ષ્ય નક્કી અને કર્યો હો અડગ નિર્ધાર,

સફળતાને ખુદ દ્વાર ખખડાવી આવવું જ પડે.