સોનું બની જાતે જ ચળકવાનું હોય

દસ્તક વગર આવી જાય છે ક્યારેક દુઃખ

આ જીવનને આંગણે,

તારે જ એને જાકારો આપવાનો હોય છે,

અમૃત મળે સફળતાનું, તો સૌ ચાખવા આવે,

નિષ્ફળતાનું ઝહેર તો એકલાએ જ પીવાનું હોય છે,

મળે જીવન દરિયાના નાવિક બની, એ જ છોડી જાય મધદરિયે પારકા બની,

કિનારો મેળવવા તો જાતે જ પ્રયાસ કરવાનો હોય છે,

પથ્થર સમજી ભલે ઠોકર મારે જમાનો,

પણ હીરો સાબિત થવા,

પોતે જ પ્રયાસો કરવાના હોય છે,

ભલે જમાનો કહે કથીર તને,

પણ સોનું બની જાતે જ ચળકવાનું હોય છે,

ભલે સમજે સમાજ તને કાચનો ટુકડો,

પણ હીરો બની, તારે જ તારું મૂલ્ય પ્રસ્થાપિત કરવાનું હોય છે,

ભલે ને હોય જીવનમાં હોય લાખો સમસ્યા,

તોય હરેક પળને ઉત્સવ સમજી મનાવવાની હોય છે.