लाइब्रेरी
प्रोफाइल
સોબત
સોબત
1 min
220
સ્વ સિવાય બીજા કોઈની મારે સોબત નથી,
ટોળાથી તેથી મને કોઈજ હવે નિસ્બત નથી !
મંઝિલ જ એક ધ્યેય છે માત્ર આ કદમોનું,
રસ્તાથી તેથી કોઈ ખાસ હવે નિસ્બત નથી !
રણ ને મૃગજળની સોબત થઈ ગઈ જ્યારથી,
મને દરિયાથી તેથી કોઈ હવે નિસ્બત નથી !
તારા સપનાઓની એવી તો થઈ ગઈ સોબત,
કે હકીકતથી મને કોઈ હવે નિસ્બત નથી !
તારી સ્મૃતિઓની સોબતમાં રહું છું જ્યારથી,
ત્યારથી હકીમોના ઔષધોથી નિસ્બત નથી !
"પરમ" એકાંત ને આ સોબત મને સન્નાટાની,
"પાગલ" જમાના સાથે કોઈ હવે નિસ્બત નથી !
