સંતાપ શાને એકલી વેઠે
સંતાપ શાને એકલી વેઠે
તુજ ઉર તણાં સઘળા રહસ્યો જાણવા દેને હવે !
કાં રાખતી તું મૌન ? ભીતર ભાળવા દેને હવે !
સંતાપ શાને એકલી વેઠે ? ખરી દે તું હૃદયથી,
તુજ પીડ સઘળી દૂર કરવા, આવવા દેને હવે !
તારા નયન છે બોલકા પણ તું રહેતી ચૂપ કાં ?
આંખે છલકતી વેદના, બસ વાંચવા દેને હવે !
તું હું અને હો સ્નેહ બીજુ ના ખપે તસુભાર પણ,
મુજ લાગણીનો છોડ, તુજ ઉર વાવવા દેને હવે !
કોમળ કળી છો મુજ ચમનની, ખીલતી ગમતી મને,
કરમાય એ ના પાલવે 'શ્રી', સીંચવા દેને હવે !