સંસારની મઝધારે

સરોવરની મઝધારે ગજરાજ પોકારે રે, 

મકરના બંધનથી પ્રભુ મને છોડાવો રે.

ગરૂડારૂઢ થઈ ત્વરીત પ્રભુ વારે આવ્યા રે.

દરિયાની મઝધારે જેસલ થરથર કંપે રે, 

સતી તોરલ મને દરિયાપાર ઉતારો રે.

સતીના સતને માટે પ્રભુએ નાવ તારી રે. 

કુરુક્ષેત્રની મઝધારે અર્જુન હિંમત હાર્યો રે, 

ગાત્રો શીથીલ થયાં રથ પર બેસી ગયો રે.

રણમધ્યે અર્જુનને ગીતાનો ઉપદેશ આપ્યો રે. 

સંસારરૂપી ચક્રવ્યુહમાં અમે તો ફસાયા રે, 

અભિમાન અને સ્વાર્થથી અમે તો ઘેરાયા રે, 

મોહમાયાને દૂર કરી ભવબંધનથી છોડાવો રે.