લાઈબ્રેરી
પ્રોફાઈલ
સમય
સમય
1 min
359
પાછો બનું હું બાળ એ સંભાવના ક્યાં છે !
તોડું ઉમરની જાળ એ સંભાવના ક્યાં છે !
પાણી ફર્યા અરમાન પર મ્હેલો રચ્યા જેના,
બાંધુ હવે હું પાળ એ સંભાવના ક્યાં છે !
કાપી હતી જે ડાળ એ તો આશરો મારો,
બદલું હવે હું ડાળ એ સંભાવના ક્યાં છે !
વશમાં નથી મારુ હૃદય સમજે નહીં મનને,
રાખું હૃદયની ભાળ એ સંભાવના ક્યાં છે !
વીત્યો સમય સરકી ગયેલો યાદમાં જોઉં,
બદલાય આજે કાળ એ સંભાવના ક્યાં છે !
