Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pushpa Maheta

Inspirational

3  

Pushpa Maheta

Inspirational

સ્મરણ

સ્મરણ

1 min
12.6K


 

એ નદી એ ઘાટ મસ્તી ઘેલપણ,

લે તને હું મોકલું એના સ્મરણ.

છીપલાં કુકા ચણોઠી રેતમાં,

શોધતાં આજે દીઠું એ નાનપણ!

કેડ પર ગાગર મૂકેલી ચાલમાં,

સાથ તારો સાંભરે છે આજ પણ.

વાર્તા પરીઓ ને રાજા રાણીની,

ભેરુંના બુચ્ચા – કિટ્ટાનું ભોળપણ.

ફાતિમા મીના અમીના સૌ મળી,

દેદો ફૂટયાની સ્મરણ છે આજ પણ

જોજનો દૂર થઈ બધી સાહેલીઓ,

ક્યાં મળે કોઈની હવે તો ભાળ પણ?

સાથી હતા સુખ દુ:ખના પાડોશીઓ,

પૂછીએ કોને ભુલાયા નામ પણ.

આવ કાગા, પી કાઢી એ યાદની,

કાંકરી ખુંચે મને તો આજ પણ!

થાય મનમાં કે ફરી બાળક બનું!

જઈ સમેટી લઉં સરેલું બાળપણ...

 


Rate this content
Log in