શું ફરક પડવાનો છે
શું ફરક પડવાનો છે
મતલબી દુનિયાનાં આ મેળામાં,
તે મારા ચહેરાના ભાવ વાંચી લીધા,
દુનિયા જાણે કે ન જાણે શું ફરક પડવાનો,
ચહેરા પર મહોરું પહેરી ફરતા લોકો વચ્ચે
તે, મારી આંખોના અજંપાને નિહાળી લીધો,
દુનિયા જાણે કે ન જાણે શું ફરક પડવાનો,
વાક બાણોથી વીંધતા લોકોની વચ્ચેથી,
તે, મારા હોઠોના ફફડાટને વાંચી લીધો,
દુનિયા જાણે કે ન જાણે શું ફરક પડવાનો,
પહાડો અને મેદાનોમાંથી પસાર થતી નદી,
અફાટ સાગરની ગહેરાઈમાં સમાઈ જાય છે,
મોજાં જાણે કે ન જાણે શું ફરક પડવાનો.