શું કરવું?

શું કરવું મધમીઠા સંસારનું તમારા વિના ?

શું કરવું વાહવાહી સંસારનું તમારા વિના ? 

ઘણાં છે માનવી ચહેરેમહોરે દેખાય જે,

શું કરવું સાવસૂકા આવકારનું તમારા વિના ?

વસ્તુપદાર્થોના સુખ આપી શકતા મનને,

શું કરવું અન્યના એ વિચારનું તમારા વિના ?

નથી એવું કોઈ આગમન કે ભીનુંભીનું લાગે,

શું કરવું સ્વાર્થના સૂત્રધારનું તમારા વિના ?

જરુરિયાત મારી કે આપ્તજનની હૂંફની,

શું કરવું સઘળા તહેવારનું તમારા વિના ?

હોય સ્વજન કે જેનાં હૈયે સ્થાન આપણું, 

શું કરવું ઔપચારિક આચારનું તમારા વિના ?