શું આ પ્રેમ છે

બંધ પાંપણે,

તુજને જ નિહાળું,

શું આ પ્રેમ છે ?

સાવ એકાંતે,

કરું તારી ગુફ્તગુ,

શું આ પ્રેમ છે ?

હું શરમાઉ,

તસ્વીર નિહાળતાં,

શું આ પ્રેમ છે ?

જાઉં મલકી,

તને યાદ કરતાં,

શું આ પ્રેમ છે ?

થાઉં બેચેન,

થોડી દૂરીથી પણ,

શું આ પ્રેમ છે ?

રહું આનંદી,

તને સમીપ જોઈ,

શું આ પ્રેમ છે ?

થાઉં ઉદાસ,

તું ઉદાસ રહે તો,

શું આ પ્રેમ છે ?

થાઉં હું ખુશ,

ચહેરે ખુશી જોઈ,

શું આ પ્રેમ છે ?

ઊઠતાં પ્રશ્નો,

શું આ ગમશે તને ?

શું આ પ્રેમ છે ?

મને સજાવું,

તને જ ગમાડવા,

શું આ પ્રેમ છે ?

મને જે થાય,

શું તને એ થાય છે ?

કહે ને પ્રિયે !

શું આ પ્રેમ છે ?