શ્રધ્ધા દીપ

નથી મશહૂર ગઝલ, કે નથી, શાયરીનો શેર,

મનને જે અસર કરે એ, કાવ્યનો પ્રકાર છું !

રસ્તો કરે જે, આડીઅવળી ડગર પર,

અવિરત વહેતો, એ ઝરણાંનો પ્રહાર છું !

સવારે ઊગતો, અને સાંજે આથમી જાતો,

તેજસ્વી સુર્ય નો, તેજોમય, પ્રકાશ છું !

આત્મબળથી ઝઝુમતો, ને આગળ વધતો, 

સફળતાનો, પ્રચંડ પોલાદી વિશ્વાસ છું !

શ્રધ્ધાના કોડિયામાં, આશાની જ્યોતનો,

ઝગમગતો ઝળહળતો, દીવડાનો પ્રકાર છું !

તડકો નથી તોય, એવો એક ઉઘાડ છું,

નફરત ના ઓળખે એ, “ચાહત”નો સ્વીકાર છું !