શિયાળામાં માવઠું

કેવો ઠંડો પવન ફૂંકાય ?

ઘરમાં પણ ઠંડી લાગતી જાય !

આગાહી એવી આવી જાય

વંટોળ સાથે વરસાદ પડતો જાય !

સાંભળીને ઠંડી વધુ લાગે

સ્વેટર પહેર્યું પણ વધુ ઠંડી લાગે !

અચાનક વાતાવરણમાં પલટો આવ્યો

કાળા વાદળો ને વંટોળ આવ્યો !

ઝબૂકે વીજળી ને વરસે પાણી

શિયાળામાં કેવું વરસે પાણી !

ઋતુઓ સાથે રમત થઈ

શિયાળામાં માવઠું નથી નવાઈ !

ગામમાં પરેશાન, શહેરમાં પરેશાન

જગતનો તાત તો ચિંતિત થાય !

માવઠાથી થાય બહુ નુકસાન

શિયાળામાં માવઠું, બધા પરેશાન !

પર્યાવરણની સુરક્ષા ના જળવાઈ

શિયાળામાં માવઠું નથી નવાઈ !