શિક્ષકદિન

કક્કો હોય કે એબીસીડી,

કે હોય આંકડાઓ ને બારાખડી,

શિક્ષકે જે શીખવાડ્યું એટલે આવડ્યું, 

ખાવું,બોલવું હોય કે દોડવું-ચાલવું,

કે હોય ઊઠીને આગળ વધવું,

મમ્મી જે શીખવાડ્યું એટલે આવડ્યું,

ભણતર હોય કે ગણતર,

કે હોય જીવનનું ચણતર,

પપ્પા જે શીખવાડ્યું એટલે આવડ્યું,

મળ્યાં અનુભવોનાં ભાથાં, 

પોતાનાં હોય કે કોઈનાં,

જીવનમાં ઝીલ્યાં ઘણાં ઘા, 

તલવાર હોય કે સૂડી,સોયનાં,

દુનિયા જે શીખવાડ્યું એટલે આવડ્યું.