શહીદોને નમન
શહીદોને નમન
શહીદોને નમન કરું ને મનમાં હું મનન કરું
બીજું તો હું શું આપી શકું
બસ પ્રેમ અને થોડા આંસુ, થોડા આંસુ
શહીદો ને . . .
જેને ખપાવી છે જિંદગી, તેની કરવી છે મારે બંદગી
બીજું તો હું શું કરી શકું
બસ લાગણીને થોડી સાંત્વના, થોડી સાંત્વના
શહીદો ને . . .
તમારી કુરબાની અમર રહે દેશને હંમેશા સ્મરણ રહે
બીજું તો હું શું દઈ શકું
બસ મૌન ને થોડી પ્રાર્થના, થોડી પ્રાર્થના
શહીદો ને . . .
તમે છો તો અમે છીએ, નહીતર અમારું અસ્તિત્વ નથી
બીજું તો હું શું આપી શકું
બસ અંજલી ને શ્રદ્ધાંજલિ, શ્રધ્ધાંજલિ
શહીદો ને . . .