સૈનિક

સરહદે સ્થિત સિંહ સદાય સજાગ

દેખી દુશ્મન દાઝતું દીલ દિમાગ

મુકયા માવતર, મંગેતર માનીતા

વતનમાં વાટ વિચરે વાલી વનિતા

ભૂલ્યા ભુલકા ભારેહૈયે ભડવીરે

શયન શાપિત શંખનાદ શોભે શીરે

ઉનાળે ઉની ઉષ્મા ઉરથી ઉલાળે

શિયાળે શીતળ શ્વાસ સહેજે સંહારે

વર્ષાએ વારિ વચ્ચે વિઘ્નો વટાવે

મંથનથી મનની મોહમાયા મટાવે

સરહદે સ્થિત સિંહ સદાય સજાગ

તમારી તાકાત તપશ્ચર્યા તપ ત્યાગ

સૌ સાથી સૈનિકોને સો સો સલામ

સુજલામ સુફલામ મલયજશિતલામ !