રવિવાર

ઊગતો નવો દિવસ આજ,

શાંતિ સાથે ઊઠાશે આજ,

બેડમાં ચા મળશે આજ,

આજનો દિવસ રવિવાર !

આરામ ફરમાવતો વાર,

દાળ ઢોકળી ખાવાનો વાર,

બપોરે મૂવી જોવાનો વાર,

આજનો દિવસ રવિવાર !

સાંજે લટાર મારવાનો વાર,

ભાઈબંધને મળવાનો વાર,

મમ્મીનું માથું ખાવાનો વાર,

આજનો દિવસ રવિવાર !

પપ્પા જોડે બેસવાનો વાર,

ભાઈને ભાષણ આપવાનો વાર,

બેનને ચિડવવાનો વાર,

આજનો દિવસ રવિવાર !

આખા વિકનો આરામ આજ,

ફેમિલી સાથે વીતતો આજ,

ઘરે મહેમાન આવતાં આજ,

આજનો દિવસ રવિવાર !

ખુશહાલી લઈને આવતો વાર,

થાક ઉતરી જતો આજ,

એનર્જી લઈને આવતો વાર,

આજનો દિવસ રવિવાર !