રૂદિયો રડે છે મારો રે

એવો રૂદિયો રડે છે મારો રે 

કહો ને પ્રભુજી શું છે વાંક મારો રે

     એવો રૂદિયો રડે છે મારો રે

એક સાંધુ ત્યાં તેર તુટે છે

આવે નહીં ક્યાંય મારો આરો રે

     એવો રૂદિયો રડે છે મારો રે

પહેલા તરસ જગાવો 

પછી ઝાંઝવા કાં બતાવો રે

     એવો રૂદિયો રડે છે મારો રે

જિંદગી જીવવા જન્મ આપી 

પછી કાં આપો વેદનાનો ભારો રે 

     એવો રૂદિયો રડે છે મારો રે

જીવવું ગમતું હોય જેને

એનો કાં વ્હેલો લ્યો છો વારો રે

     એવો રૂદિયો રડે છે મારો રે

મોત માંગતા હોય એને 

પ્રભુજી કાં ઝાઝું જીવાડો રે

     એવો રૂદિયો રડે છે મારો રે

સુખ દેખાય સતીષ'ને ક્ષણિક 

ત્યાં પ્રભુજી તમે પાછું કાં વારો રે

     એવો રૂદિયો રડે છે મારો રે