રિસામણાં

રિસામણાં ને મનામણાં,

આમ તો સહજ કહેવાય,

બાળપણની આવી હરકતો,

આમ તો સહજ કહેવાય,

પણ મોટા થયા પછી,

રોજ-રોજ આમ રીસાવાનું,

આ તો કંઈ રીત કહેવાય ?

રીસાઈને આમ નહીં બોલવાનું,

સરાસર અન્યાય કહેવાય,

અન્ન ને જળ ત્યાગવાનું,

ખુદ પર એ જુલમ કહેવાય,

તને મનાવવા શું દર વખતે,

મારે જ પહેલ કરવાની ?

આ તો કેવી રીત કહેવાય ?

ચાલ, છોડ હવે રીસાવાનું,

ને મારે જ મનાવવાનું,

જીવન ભલે લાગે લાંબું,

પણ પળમાં વહી જશે,

તો છોડ બધી માથાકૂટ,

ને ચાલ કરીએ નવી શરૂઆત,

મનમેળ કરીએ ને,

સમજદારીથી રહીએ,

અને જીવનની મધુરતા માણીએ.