રહેવું છે તારી હવેલીયે...

પરભાતે  પથરાતાં  કિરણોમાં ઝગમગતા આવો...

    આવોને મારી ડેલિયે...

સંધ્યાના  કિરણોની  લાલિમા રંગભરી...

    રહેવું છે તારી હવેલીયે...

પથરાતાં, લહેરાતા, પ્રીતભર્યા પાલવમાં 

    રહેવું છે તારી હવેલીયે...

મખમલને ઓઢીને શિયાળુ ટાઢકમાં આવો 

     આવોને મારી ડેલિયે...

ગરમાવો પ્રેમતણો શબ્દોમાં સૂર સજી 

     રહેવું છે તારી હવેલીયે...

ઓળઘોળ ઉનાળો ગરમીનો કાળઝાળ આવો 

      આવોને મારી ડેલિયે...

ટાઢકના તડકામાં તરસુ  છીપાવીને મારે 

     રહેવું છે તારી હવેલીયે...

ધોધમાર વરસાદી ફોરાંમાં ભીંજાવા આવો 

      આવોને મારી ડેલિયે...

લથબથતું ન્હાવુ ને ભીંજાવું સંગ સંગ 

      રહેવું છે તારી હવેલીયે...

વીજળીનું વ્હાલ બની આકાશે ફેલાતાં આવો 

      આવોને મારી ડેલિયે...

મઘમઘતા બાગમાં ગુલાબી ફૂલ બની 

      રહેવું છે તારી હવેલીયે...