રાઝ તારા હૈયાનું મને જાણવા દે

તારી હૈયાની ભીતર પ્રવેશવા દે,

રાઝ તારા હૈયાનું મને જાણવા દે.

ચાહું છું તને જાત કરતા પણ વધારે,

સ્થાન મારું, તારા હૈયે મને પામવા દે.

કહેવા ખાતર માત્ર પ્રેમ નથી જોઈતો,

તારા રુહથી રૂહનો નાતો મને જોડવા દે.

ઝંખના નથી મને શારીરિક મિલનની,

તારા રૂહને મારા રૂહમાં ભળવા દે.

ભૌતિક સંપતિનો કોઈ મોહ નથી મને,

તારા દિલની દૌલત મારા નામે કરવા દે.

જરૂર નથી મને કોઈ મોટા મહેલોની,

તારા દિલમાં મને કાયમ રહેવા દે.