STORYMIRROR

Meenaz Vasaya. "મૌસમી"

Inspirational Others

3  

Meenaz Vasaya. "મૌસમી"

Inspirational Others

પ્રકૃતિની મૌન પ્રાર્થના

પ્રકૃતિની મૌન પ્રાર્થના

1 min
151

શબ્દો તો રચાયા માનવીના માનવી માટેના વ્યવહાર માટે.

આમ પ્રકૃતિમાં બીજે ક્યાંય નથી

આ શબ્દોની મોહતાજી.

આ પંખી કરે ટહુકો આપી

ઈશ્વરની પ્રાર્થના.


આ વૃક્ષો ફળ, ફૂલ, છાયડો આપી કરે ઈશ્વરની આરાધના.

આ ઝરણાના ઝણકારમાં છે,

ઈશ્વરની મૌન પ્રાર્થના.


આ સરિતાનું મીઠું જળ ઉપયોગી થઈ માનવને,

કરે ઈશ્વરની આરાધના.


આ મહેકતા ફૂલો પણ ખુશ્બુ ફેલાવી કરે

અનંતની આરાધના,

આ હવા પણ ફૂલોની મહેક ફેલાવી,

કરી લે છે મૌન રીતે ઈશ્વરની ઇબાદત.


આ વાદળી પણ વરસી ધરા ને જન્નત બનાવી,

 કરી લે છે ઈશ્વરની આરાધના.

આ ધરા પણ પોતાનો સીનો ફાડી,

આપે આ માનવી વૃક્ષો પંખીઓને,

પોતાના હૈયામાં સ્થાન.

આમ મૌન બની, સ્મરી લે છે ઈશ્વરનું નામ.


આ સૂરજ આ ચાંદ આપી ધરતીને ઉજાસ,

ચૂપ ચાપ સ્મરી લે છે ઈશ્વરનું નામ.

આ પૂરી કાયનાત પણ છે, ઈશ્વરની બંદગીમાં લીન.

આ ઈશ્વરનું તમામ સર્જન છે,

બંદગીમાં તલ્લીન.


સામગ્રીને રેટ આપો
લોગિન

Similar gujarati poem from Inspirational