લાઈબ્રેરી
પ્રોફાઈલ
પ્રકૃતિની ગોદ
પ્રકૃતિની ગોદ
1 min
295
ખળખળ વહેતી નદીમાં કેવી મસ્તી જામી છે,
ખુશીનો ખજાનો લઈને નાની હસ્તી જામી છે.!
દફતરનો ભાર ફગાવી પ્રકૃૃતિની ગૌદમાં ખેલે,
મિત્રો વચ્ચે બેફિકરાઈથી કુસ્તી જામી છે.!
ગાડી-બંગલાનો વૈભવ લાગે છે સાવ ઝાંખો,
નિજાનંદમાં છે બાળ, કેવી મુક્તિ જામી છે.!
પાણીની છોળો જાણે લાગે છે અમૃત બિંદુ,
એકબીજાને પરેશાન કરવાની યુક્તિ જામી છે.!
વગડાની ગોદમાં ઉછરેલા બાળ છે અનોખા,
સુખ-સગવડનો અભાવમાંયે તંદુરસ્તી જામી છે.
