પ્રકૃતિ

પ્રકૃતિની ગોદમાં બેસી

કરીએ મજાની વાતો

આવને બંધુ જરાં સંગેતો

લઈને મજાનો ભાથો,

રામ-રહીમનો ભેદના

આપણે સૌ સંગે છે નાતો

પાજી પાછળ રહી ગયો

પછી, આવે છે ખિજાતો,

ઝાડની ડાળીએ ઝૂલીએ

હિંચકો કેવો હવામાં જાતો ?

વાયરો આવી સંગે ને

કાનમાં ગીત મધુરા ગાતો !

કોયલ કુ. . .કે. . . મોર નાચે

વળી, દેડકો આયો ઠેકાતો

પતંગિયાને પાંખમાં જોને

મેઘધનું છલકાતો !

ફૂલની ફોરમ ભમરો પેલો

રોજ લઈને જાતો

મધપૂડાના દરથી મીઠો

રસ સદા છલકાતો,

તીડ નાથવાં જોને ઊભો છે

ચાડીયો ખેતમાં હાં’તો !

હું પણ ઊભો રહું પાસમાં

તું જરાં ફોટો ખેંચવા જા-તો,

દૂર-દૂર રહીને પણ નજીકનો

કેવડો જુનો આ નાતો ?

આવને બંધુ જરાં સંગે

તો લઈએ મજાનો ભાથો !

પ્રકૃતિની ગોદમાં બેસી

કરીએ મજાની વાતો

આજની વ્યસ્તતા, છિનવે જીવન

ને માણસ મોત સામે મલકાતો !

પ્રકૃતિની ગોદમાં બેસી

કદિ કરી મજાની વાતો ?

સાચને ભૂલી જૂઠના ટેકે

ઊભો ગોળીઓ ખાતો-ખાતો !