ફરી એકવાર અટવાઇ છું..!

ગોથે ચડેલી જિંદગીમાં ફરીએક વાર અટવાઈ છું.!!

વંટોળ વિચારોનું, આંધી અંગે અંગમાં, 

ધુળ બની સમયમાં જાણે ક્યા ધકેલાઈ છું..!!

ખરાં-ખોટા ના જાદુઇ છે ભેદ,

લાગણીના જંતર મંતરમાં જબરદસ્ત જકડાઇ છું..!!

મારગ મળ્યા પણ એકલા અટુલા..!

એક જ મારી છાપ ત્યાં, જોતા જ ખુબ ગભરાઇ છું..!!

સંગાથ સારુ રખડું શું.??

ઝાલી હાથ પણ હંમેશ પછડાઇ છું..!!

સંબંધો કેરું ધિરાણ મોટુ..!

ભરી ભરીને વ્યાજ..હ​વે અકડાઇ છું..!!

નીડર ઉડતું પંખી કહું,

મનની પાંખમાં ફડફડ ફફડાઇ છું..!!

ભીના હૈયામાં, શબ્દો ઓગાળું..!

પ્રિય નામ એ લેતા લેતા, આજે પણ હકલાઇ છું..!!

ના આશનો અંશ..!

ઊભળાટની પણ વાટ..!

જાણું છું માત્ર 'હું' જ..!

કેમ કરી સચ​વાઇ છું..!!

ગોથે ચડેલી જિંદગીમાં ફરીએક વાર અટવાઇ છું..!!