ફ્લેશબેકમાં

રાધાની રાત ગુજરી જાણે આજે એના એ ફ્લેશબેકમાં, 

મોજે ફરતી, હસતી રમતી, કાન્હાના સાથે એ ફ્લેશબેકમાં. 

હવા સાથે વાતો કરતી, કલ્પ્નામાં ખુશ થતી એ ફ્લેશબેકમાં, 

મધુવનમાં જાણે ભ્રમર થઈ ફૂલો ચૂમતી એ ફ્લેશબેકમાં. 

જશોદાને કાન્હાની ફરિયાદ કરી ખુશ થતી એ ફ્લેશબેકમાં, 

જો સજા મળે કાન્હાને તો એકલી રડતી એ ફ્લેશબેકમાં. 

પ્રેમ કરી તૃપ્ત થઈ હતી પણ વહી ગયું એ ફ્લેશબેકમાં. 

મધુવનમાં એકલતા ને રાધા વધી બાકી ગયું એ ફ્લેશબેકમાં. 

ગોકુળ વિદાયની વેળા ફરી વિહ્વળ કરી ગઈ એ ફ્લેશબેકમાં, 

રાધાની રાત ગુજરી જાણે આજે એના એ ફ્લેશબેકમાં.