પહેલી નજર
પહેલી નજર
મળી હતી નજર તમારી જેની સાથે, એ નજર મારી હતી,
સળવળાટ જ્યાં થયો એ દિલની ડગર મારી હતી.
ભૂકંપ આવ્યો દિલમાં ને મનની ભેખડો ધસી પડી,
કંપન જ્યાં થયું એ દિલની દીવાલ મારી હતી,
સુનામી આવી હૃદયમાં ને દિલ એમાં વહી ગયું,
પાણી ભરાયા જ્યાં એ એ આંખોની નહેર મારી હતી,
દુકાળ પડ્યો મનમાં ને મન આખું સૂકાઈ ગયું
મુસ્કાન મળી દુકાળમાં તમારી એ મહેર તમારી હતી,
અતિવૃષ્ટિ એ પ્રેમની ને હું પણ એમાં પલળી ગઈ,
'વ્યક્તિ' એક તણાઈ ગઈ એ ખબર મારી હતી,
ખબર નહિ ક્યારે આ રોગ મને લાગુ પડ્યો
દવા ના એક પણ કામ આવી એ હાલત મારી હતી,
કર્યો જયારે એકબીજાથી આ પ્રથમ પ્રેમનો એકરાર
નહિ છોડીએ સાત જનમ એ શરત આપણી હતી,
થયો આજે દાયકો પણ ઉણપ એમાં આવી નથી
આજે પણ નજર એ જ છે જેમાં તસ્વીર મારી હતી,
ખુબજ ખુશી છે સાથે રહીને એમાં કોઈ શક નથી
ભગવાને જોડી આ બનાવી તકદીર એમાં આપણી છે,
આજે પણ યાદ કરીએ એ પ્રથમ મુલાકાત ને
મુસ્કાન આવે છે આપણા ચેહરા પર, એ જ કમાણી આપણી છે.