દોસ્ત
દોસ્ત
માંગીને તો ઘણું મળે
વગર માગ્યે આપે ને એ મારો દોસ્ત
મારા શબ્દો તો ઘણા સાંભળે
મારા મૌનની ભાષા સમજે ને એ મારો દોસ્ત,
રસ્તો બતાવનાર તો ઘણા છે
મંઝિલ સુધી મૂકી જાય ને એ મારો દોસ્ત
ખોટા વખાણ તો બધા કરે
બે ઝાપટ મારીને સમજાવેને એ મારો દોસ્ત,
જમવાનું નિમંત્રણ તો બધા આપે
મારી જાણ વગર મારો ડબ્બો પૂરો કરે ને એ મારો દોસ્ત,
દિલ ખોલીને તો ઘણા જોડે વાત થાય
વગર વિચાર્યે બોલી શકીએ ને એ મારો દોસ્ત
ખબર પૂછવાવાળા તો ઘણા છે
'ક્યાં મરી ગયો ?' , એવું કહે એ મારો દોસ્ત
માન આપવાવાળા તો ઘણા છે
નામ બગાડીને બોલાવે એ મારો દોસ્ત,
ઉજાગરા તો ઘણા સાથે કરીએ
ઊંઘમાંથી ઉઠાડીને પૂછે સૂઈ ગયો'તો ? એ મારો દોસ્ત,
સંબંધો તો ઘણા છે
લોહીને પણ ટક્કર મારી જાયને એ મારો દોસ્ત.