મારી કવિતા

નથી મને કોઈ જ્ઞાન ભાષાનું,

બસ આમ જ કશુંક લખાઈ જાય છે,

એ તો લાગણી છે મારા મનની,

જે મારા શબ્દોમાં ગુંથાય જાય છે.

નથી જડતા ઘણી વખત શબ્દો પણ,

બસ આમ જ કંઇક કહેવાય જાય છે,

હૃદયમાંથી સ્ફુરેલા વર્ણો છે,

જે પંક્તિઓમાં ગુંથાય જાય છે.

નથી કોઈ સંદેશો આપવો મારે,

બસ આમ જ કંઇક બોલાય જાય છે,

ફૂલો ગૂંથેલી વેણીની માફક,

મારા શબ્દો પણ ગુંથાય જાય છે.

ગર્વ છે ગુજરાત અને ગુજરાતી હોવા પર,

બસ આમ જ કહેવાય જાય છે,

સ્વરો, શબ્દો અને લાગણી મળીને,

બસ આમ જ 'કવિતા' લખાય જાય છે.