પડે છે

ડગલેને પગલે વિષના ઘૂંટડા ઊતારવા પડે છે.

ને ઇપ્સિત પામવા લક્ષ્ય ઊંચાં ધારવા પડે છે.

સાથ આપનારા તો અહીં ભાગ્યે જ મળે છે,

હોય અણગમતા તોય એને સંભાળવા પડે છે. 

ટીકા ટિપ્પણને હરહંમેશ ખિસ્સામાં જ રાખો,

ન હોય વાંક તોય કદી કોઈને સાંભળવા પડે છે.

સાચા- ખોટાના દ્વંદ્વને હવે છોડોને તમે ભલા,

બહુમતીના બળે કોઈને કદીએ સાંખવા પડે છે.

ખબર છે કે કારેલાં સ્વભાવથી જ કડવાં હોય,

તોય સમો પારખી જઈને એને ચાખવા પડે છે.