"ઓ ! મારી કવિતા! "

મને જ્યારે જ્યારે લાગ્યું ,

અત્યંત એકલું એકલું એકલવાયું !

મારા જીવનનું માધુર્ય બની,

સુરીલું ગીત તે જ તો ગાયું !

ઓ ! મારી કવિતા !

જ્યાં ને જ્યારે ત્યારે,

મારા દિલના થયા ટુકડા !

આશ્વાસન આપી તેને કેવા તે ?,

ફરી જોડી દીધા રુપકડા !

ઓ ! મારી કવિતા !

મારાથી જરાયે ન રહેવાયું ,

તારા ભાવોને રચ્યા વગર !

હ્દયથી પ્રગટી તું એથી જ ને ?

સાચી મારી રીત હોય અગર !

ઓ ! મારી કવિતા !

મળ્યો નહીં મુજને કોઈ અહીં,

હમસફર સાચો મારો !

બસ ! એટલે જ તો ,

મારા પથ પર એક આશરો જ તારો !

ઓ ! મારી કવિતા !

હું તારી જ રુહ ને,

તું મારી મધુર અવાજ !

અંતરમને મુજને પરિપુર્ણ કરી તું,

‘સ્વપ્નીલ‘ને આમ જ મિજાજે રંગીન સદા નવાજ !

ઓ ! મારી કવિતા !