નિયતિ આ તારા કેવા ખેલ છે

નિયતિ તારા આ કેવા ખેલ છે !

કોઈની પાસે રહેવા ઘર નથી,

તો કોઈની પાસે મોંઘા મહેલ છે,

કોઈની પાસે ગુજારો કરવા એક પૈસો નથી,

તો કોઈની પાસે વાપરી ન શકે એટલા પૈસાની રેલમછેલ છે,

ગુનેગાર કરે મજાની મોજમજા,

નિર્દોષને પડતી અહી જેલ છે,

મહેનત કરનાર ને કશું મળતું નથી ને,

આ ચોરો ને લીલા લહેર છે,

નિયતિ તારા આ કેવા ખેલ છે !

આપજે મહેનત કરનારને એના હક્કનું,

એને ક્યાં તારી પાસે મહેલો માગેલ છે !

કરે તો શું બિચારો માનવી ?

તું આપ એ સ્વીકાર્યા સિવાય બીજો ક્યાં કોઈ ઉકેલ છે !

બે ટંકનો રોટલો રળવા એ મેલા કરે હાથ છે,

તોય પ્રયાસો થાય એના બધા ફેલ છે,

નિયતિ આ બધા કેવા તારા ખેલ છે ?