નીકળી છું
નીકળી છું
તૂટેલા આ મનદર્પણના ટુકડાઓમાં,
મારા અસ્તિત્વને શોધવા હું નીકળી છું,
ખોવાઈ હતી દુનિયાની ભીડમાં ક્યાંક,
મારી જાતને શોધવા હું નીકળી છું,
મારામાં રહેલા હુંને ઓગાળી,
ઈશ્વરને મળવા હું નીકળી છું,
સપનાઓ થશે જ સાકાર મારા,
એવો આત્મવિશ્વાસ લઈને હું નીકળી છું,
મળશે જ મંઝિલ મારી મને,
શ્રદ્ધાનો અખંડ દીપ લઈને હું નીકળી છું,
ઉતરી જશે જ આ મારી જીવન નૈયા પાર
હકીકતના દરિયા આશાઓના વહાણ લઈ ને નીકળી છું