નાનકડી આ જીંદગી
નાનકડી આ જીંદગી
ખોટી ચર્ચા કરીને વાતને વધારે હવે લંબાવ ના.
નારાજગીના જૂના કિસ્સા ફરી ફરી સંભળાવ ના.
દોષ તારો હતો કે મારો છોડી દે એ બધી ઝંઝટ,
આખરી ફેંસલો છે આ હવે એને બદલાવ ના.
વિશ્વાસથી જ ચાલે છે બધે સઘળાં વ્યવહારો,
અવળે રસ્તે વિચોરોને હવે જરાયે ભટકાવ ના.
નાનકડી આ જીંદગી ચાલ મોજથી જીવી લઇએ,
જુદાઇની વાત કરી શ્વાસને અધ્ધર તું લટકાવ ના.
યાદ કર વચન જે લીધા'તા અગ્નિની સાક્ષીએ.
મનને હવે ખરી-ખોટી વાતોમાં તું અટકાવ ના.