મોહનું બંધન

મારા હૃદયમાં છુપાયેલું છળ લાગે છે મને,
મોહનું બંધન હવે તો સાંકળ લાગે છે મને. ​

જે સપનાઓ પાછળ હું દોડતો રહ્યો સદા,
એ જ ઝાંઝવાંનું પાણી જળ લાગે છે મને. ​

છોડવું છે આ જગતની મોહ-માયા છતાં,
રેશમી જંજાળ બહુ વ્હાલી લાગે છે મને.

મન તૃષ્ણાની જાળમાંથી છૂટી શકતુ નથી,
વૈભવ વિલાસ અહીં અડગ પળ લાગે મને. ​

મોહ માયા મિથ્યા છે તે હું જાણું છું છતાં,
કાચના ટુકડા જ હીરા-માણેક લાગે છે મને.

છોડવું છે મોહનું બંધન પ્રભુનાં શરણોમાં,
રમત આ સંસારની હવે કપરી લાગે છે મને.

"મુરલી" મુક્ત થાવું છે આ મોહના બંધનથી,
છોડવા ઈચ્છુ છું એ જ વળગણ લાગે છે મને.

 રચના-ધનજીભાઈ ગઢીયા "મુરલી" (જુનાગઢ)