મને નહીં ગમે

મિજાજ જોઈ બદલશો હવા, મને નહીં ગમે !

તમે સિતમ કરો નવા નવા, મને નહીં ગમે !

હૃદય વચ્ચે કૂવો કરી અશ્રુ અમે ઉતારશું,

રિસાઈને ચડાવશો ભવાં, મને નહીં ગમે !

અમે રણે કદી ગયા નથી અને જવું નથી !

ઘરે મળે જો નીર ઝાંઝવા, મને નહીં ગમે !

ઈશ્વરમાં શ્રદ્ધા સહેજ પણ ડગી નથી મારી,

ધર્મે ધર્મે મળે જુદા ભૂવા, મને નહીં ગમે !

સજા બધી મને મંજૂર છે, ગુના કબૂલ છે,

મને બનાવશો જુઠો ગવાં, મને નહીં ગમે ! 

અરે ! સહી લઉં બધાં દર્દ હું પણ મરણ સુધી,

તને ભૂલી જવાય એ દવા, મને નહીં ગમે !